Synergy - Vitamin D3 2000IU

Vitamina D3 ( kolekalciferol ) është forma natyrore e vitaminës D për trupin e njeriut dhe bën pjesë në grupin e vitaminave të tretshme në yndyrë. Ajo kontribuon në thithjen dhe shfrytëzimin normal të kalciumit dhe fosforit. Përmirëson mineralizimin e kockave, ndihmon në formimin e skeletit dhe dhëmbëve tek fëmijët, forcon procesin e kockëzimit dhe është e domosdoshme për funksionimin normal të gjëndrës paratiroide. Ajo luan rol në shumë funksione neurologjike dhe qelizore për të cilat është i nevojshëm kalciumi, dhe merr pjesë në prodhimin e monociteve.

Vitamina D3 dhe kalciumi ndihmojnë në zvogëlimin e humbjes së masës kockore te gratë në postmenopauzë. Dendësia e ulët minerale e kockave është faktor rreziku për frakturat osteoporotike të kockave.

Veprimi i Vitaminës V3 2000 NJËSI NDËRKOMBËTARE

Vitamina D3 rekomandohet për: profilaksinë e rakitizmit dhe osteomalacisë të shkaktuara nga mungesa e vitaminës D3, profilaksinë e rreziqeve ekzistuese për sëmundje të shkaktuara nga mungesa e vitaminës D3, funksionin normal të sistemit imunitar, funksionin normal muskulor dhe për rritjen dhe zhvillimin e shëndetshëm të fëmijëve.

Tek të rriturit, mungesa e lehtë e vitaminës D shfaqet me humbje të oreksit dhe peshës, probleme me gjumin dhe diarre. Mungesa më e rëndë shkakton osteomalacinë dhe spazma muskulore. Si rezultat i nivelit të ulët të kalciumit brenda tyre, kockat bëhen të buta, të brishta dhe të dhimbshme. Tek fëmijët, mungesa e vitaminës D është shkaku i rakitizmit.

Faktorët e rrezikut për mungesën e vitaminës D

• Ekspozimi jo i duhur ndaj dritës së diellit (ndotja e ajrit bllokon rrezet UV të cilat janë të nevojshme për prodhimin e vitaminës D)
• Veganët sepse nuk konsumojnë produkte qumështi.
• Njerëzit e moshuar për shkak të aftësisë së zvogëluar për sintezën e vitaminës D3.
• Bebet e lindura para kohe
• Personi me sëmundje të mëlçisë së zezë dhe të veshkave.
• Konsumi i tepërt i alkoolit ka efekt negativ në përthithjen dhe ruajtjen e vitaminës D.
• Aftësia e zvogëluar për të absorbuar vitaminën D e marrë nga goja mund të jetë për shkak të fibrozës cistike ose të heqjes së pjesëve të sistemit tretës.
• Grupi tjetër i njerëzve që kanë nevojë për doza më të larta të vitaminës D se ato mesatare janë personat që kanë pasur ndërhyrje kirurgjikale, lëndime të rënda trupore ose djegie.
• Stresi i shtuar dhe sëmundjet kronike rraskapitëse gjithashtu kërkojnë doza më të larta të vitaminës D.
• Suplemente të vitaminës D nevojiten edhe personat që marrin medikamente të caktuara, siç janë antikonvulsantët, kortikosteroidet ose kolestiramina. Kjo do të thotë se pacientët që marrin terapi për artritin, astmën, alergjitë, sëmundjet autoimune, kolesterolin e lartë dhe epilepsinë, para se të fillojnë marrjen e suplementeve me vitaminë D, duhet të konsultohen me mjekun e tyre.

Përparësitë nga përdorimi i vitaminës D3

• Vitamina D është e domosdoshme për parandalimin e osteomalacisë dhe, së bashku me kalciumin, merr pjesë në krijimin e densitetit më të lartë mineral, duke ulur kështu rrezikun nga frakturat dhe rëniet.
• Vitamina D kontribuon në përqendrimin normal të kalciumit në gjak dhe në mirëmbajtjen e dhëmbëve të shëndetshëm.
• Vitamina D është e nevojshme për rritjen dhe zhvillimin normal të kockave tek fëmijët.
• Vitamina D është e domosdoshme për funksionimin normal të hormoneve paratiroide.
• Vitamina D është e rëndësishme për shëndetin e muskujve, sepse mbështet funksionin e tyre, forcën muskulore dhe ekuilibrin.
• Vitamina D e forcon sistemin imunitar.