Synergy - Omega 3-6-9 1300mg

Omega 3-6-9 1 3 00mg Është 100% shtesë ushqimore natyrale nga vaji i koncentruar i lirit, vaji i kanolës, vaji i rrushit pa fara të zeza dhe vaji i farave të kungullit. Është i pasur me acide yndyrore të pangopura omega 3 (Acidi alfa-linoleinik-ALA), Omega 6 (Acidi linoleinik-LA), Omega 9 (Acidi oleinik-OA) dhe me vitaminë E.

Studimet më të reja tregojnë se acidet yndyrore omega kanë efekt më të mirë kur merren në kombinimin 3-6-9 sesa kur merren veç e veç, dhe ato duhet të merren vazhdimisht sepse organizmi nuk mund t'i sintetizojë (janë esenciale).

Omega 3 ndihmon në mbajtjen e nivelit normal të triglicerideve dhe kolesterolit në gjak.

Omega 6 është i rëndësishëm për imunitetin dhe ndihmon në krijimin e disa neurotransmetuesve që marrin pjesë në rregullimin e humorit dhe gjumit.

Omega 9 merr pjesë në zvogëlimin e ndryshimeve aterosklerotike, ka rol mbrojtës dhe përmirëson imunitetin.

Veprimi i Omega 3-6-9 1300mg

Ushqimi i njeriut përmban acide yndyrore të ngopura, mono të pangopura dhe poli të pangopura. Acidet yndyrore të ngopura rrisin nivelin e kolesterolit të keq në gjak dhe për këtë arsye duhet pasur kujdes me konsumin e tyre. Acidet yndyrore mono dhe poli të pangopura kontribuojnë në mbajtjen e nivelit normal të kolesterolit në gjak dhe rrisin nivelin e kolesterolit të mirë, ndërsa ulin nivelin e kolesterolit të keq.

Omega 3 dhe Omega 6 janë acide yndyrore poli të pangopura.

Acidet yndyrore Omega 3 në masë të madhe ulin nivelin e kolesterolit të përgjithshëm dhe të keq (LDL) në gjak dhe ndihmojnë shumë në trajtimin e shumë sëmundjeve të zemrës dhe sëmundjeve të qarkullimit të gjakut. Është dëshmuar se acidet yndyrore omega ulin përmbajtjen e acidit arakidonik në membranat e trombociteve dhe leukociteve, ndërsa rrisin eukozapentaenoin, i cili pengon grumbullimin e trombociteve në enët e gjakut. Acidet yndyrore omega ndikojnë në tkurrjen e muskulit të zemrës, ato zvogëlojnë forcën e tkurrjes së zemrës (përgjigje inotropike) të stimujve të ashtuquajtur alfa-adrenergjikë dhe me këtë zvogëlojnë dëmtimin e zemrës ishemike.

Omega-6 ka ndikim të fuqishëm mbi funksionin imunologjik duke çliruar limfokinat, të cilat aktivizojnë qelizat e sistemit imunologjik për mbrojtjen e organizmit.

Acidi yndyror esencial omega-6 merr pjesë në krijimin dhe sekretimin e disa hormoneve të hipofizës, gjëndrës tiroide dhe gjëndrave mbiveshkore, dhe në këtë mënyrë, në mënyrë direkte ose indirekte, merr pjesë në krijimin e sistemit imunologjik në organizëm. Ai merr pjesë gjithashtu në krijimin dhe pranimin e disa neurotransmetuesve që marrin pjesë në mbajtjen e humorit dhe gjumit, si dhe në përmirësimin e kujtesës dhe përqendrimit.

Omega-9 (acidi yndyror oleik) nuk bën pjesë në acidet yndyrore esenciale, por paraqet një partner të mirë të dy acideve yndyrore omega paraprake. Sipas gjetjeve shkencore, ai merr pjesë në uljen e nivelit të ndryshimeve aterosklerotike, përmirëson sistemin imunologjik dhe ka rol mbrojtës në parandalimin e zhvillimit të disa sëmundjeve kancerogjene.

Acidet yndyrore omega marrin pjesë në krijimin e prostaglandinave.

Prostaglandinat janë komponime të ngjashme me hormonet, të cilat kanë funksion në rregullimin e dhimbjes dhe ënjtjes, ndihmojnë në mbajtjen e presionit normal të gjakut, nivelit të kolesterolit dhe marrin pjesë në transmetimin e impulseve nervore.

Vaji i farave të lirit është burimi më i pasur i molekulave lignan, të cilat kanë veti antioksiduese, antivirale dhe antibakteriale.

Vaji i farave të lirit përdoret në shumë sëmundje të lëkurës si alergjitë, aknet, ekzemat, psoriaza dhe zbokthi; ai është gjithashtu një stimulues i shkëlqyer që përshpejton metabolizmin duke mundësuar djegien më të shpejtë të depozitave yndyrore në organizëm.

Përdoret me sukses në trajtimin e sklerozës multiple.

Përparësitë e Omega 3-6-9 1300mg

• Vaj natyror bimor me përqendrim të lartë
• Prodhuar dhe regjistruar me teknologji inovative.