Synergy - Vitamina C 1000mg

Vitamina C (acidi askorbik) është një vitaminë esenciale e tretshme në ujë. Brenda organizmit, acidi askorbik oksidohet në acid dehidroaskorbik. Këto dy forma janë të rëndësishme për proceset oksidoreduktive në organizëm.

Vitamina C merr pjesë në sintezën e kolagjenit nga kockat, dhëmbët, lëkura, kërcet, tendinat dhe nga enët e gjakut. Ajo është e përfshirë në shumë procese të rëndësishme në organizëm: sintezën e tirozinës, shndërrimin e acidit folik në acid hidroksifolik, në metabolizmin e karbohidrateve, sintezën e lipideve dhe proteinave, metabolizmin e hekurit, rrit rezistencën ndaj infeksioneve dhe merr pjesë në frymëmarrjen qelizore.

Vitamina C redukton jonet metalike protetike të shumë enzimave dhe ka funksion antioksidues përmes neutralizimit të radikaleve të lira.

Veprimi i Vitaminës C 1000mg

Më parësor është efekti antioksidues i vitaminës C, si dhe roli i saj specifik në mobilizimin e forcave mbrojtëse të organizmit. Duke stimuluar punën e sistemit imunitar, vitamina C rekomandohet në parandalimin e infeksioneve, të ftohtit dhe gripit, si dhe për uljen e simptomave të tyre. Ajo parandalon oksidimin e yndyrave në trup, duke parandaluar kështu aterosklerozën. Është e domosdoshme edhe për sintezën e kolagjenit – strukturat elastike të proteinave që forcojnë muskujt dhe muret e enëve të gjakut, dhe hyn edhe në përbërjen e lëkurës, tendinave, kockave, kërcit dhe dhëmbëve. Prandaj, marrja e sasive të mjaftueshme të vitaminës C në organizëm lehtëson shërimin e plagëve dhe njëkohësisht ndikon edhe në pamjen më të shëndetshme dhe më të bukur të lëkurës. Ajo përmirëson thithjen e hekurit në zorrë, prandaj rekomandohet së bashku me suplementet e hekurit. Merr pjesë në parandalimin e kataraktit dhe ndihmon në ruajtjen e shikimit.

Marrja e shtesës së vitaminës C (si shtesë ushqimore) është e dobishme dhe e nevojshme për të gjitha moshat dhe në të gjitha stinët e vitit, sepse vepron në drejtim të ruajtjes së shëndetit të njerëzve (duke zgjatur jetëgjatësinë e tyre, duke ngadalësuar procesin e plakjes, duke mirëmbajtur fuqinë fizike dhe mendore në një nivel të duhur dhe duke rritur rezistencën e organizmit).

Është e nevojshme marrja e vazhdueshme e vitaminës C sepse ajo nuk mund të ruhet për një kohë të gjatë në organizëm, dhe sepse është e tretshme në ujë, teprica e marrë largohet përmes urinës. Prandaj, Synergy vitamina C është prodhuar me teknologjinë e re të tabletës së vitaminës C, e cila mundëson lirimin gradual të kësaj vitamine brenda 24 orëve dhe shfrytëzimin e saj maksimal.

Nevojat e rritura për vitaminë C shfaqen te gratë shtatzëna, gratë me gji, rekonvalescentët, personat e moshuar, në temperaturë të rritur trupore, ndërhyrjet kirurgjike, gjatë përdorimit të disa barnave, te sportistët, diabetikët, gjatë hemodializës, te duhanpirësit, në konsumimin e alkoolit, te dietat, alergjitë, stresi etj.

Simptomat e para të mungesës së vitaminës C në organizëm janë shpesh jo specifike: dobësi, lodhje e shpejtë dhe apati. Në fazën e mëvonshme, pacientët ankohen për dhimbje në kocka, nyje dhe muskuj, ndonjëherë edhe për vështirësi në frymëmarrje. Rritet mundësia për infeksione më të shpeshta dhe shërim të ngadalësuar. Mund të shfaqen edhe ënjtje, gjakderdhje e mishrave të dhëmbëve, plasaritje e kapilarëve dhe shërim i ngadalësuar i plagëve dhe frakturave. Deficiti i rëndë i vitaminës C shkakton sëmundjen e skorbutit.

Përparësitë e Synergy VITAMIN C 1000mg:

• Me teknologjinë e çlirimit gradual të vitaminës C nga tableta, mundësohet shfrytëzimi maksimal i komponentit aktiv.
• Ngarkesë më e vogël e veshkave
• Tableta është e pasuruar me vitaminë C natyrale.